Ош облусунда интернетте тыюу салынган маалыматтарды таратууга шектелип 34 жаштагы жаран кармалды. Бул тууралуу облустук милиция маалымдады.

Экспертизанын корутундусуна ылайык, аталган жаран социалдык тармактар аркылуу экстремисттик жана террордук уюмдарга таандык материалдарды жайылтып келген.

Бул факт боюнча Кылмыш-жаза кодексинин 332-беренеси (Экстремисттик материалдарды даярдоо, таратуу) жана 330-беренеси (Расалык, этностук, улуттук, диний же региондор аралык кастыкты козутуу) менен кылмыш иши козголду.

Ыкчам-издөө иш-чараларынын натыйжасында шектүү Дж. у. М. аттуу жаран кармалып, убактылуу кармоочу жайга киргизилди. Учурда кылмыш ишине тиешеси бар башка адамдарды аныктоо боюнча тергөө иштери улантылууда.