2025-жылдын 1–2-октябрында өлкө аймагында аба ырайы кескин өзгөрөт. Бул тууралуу Кыргызгидромет шашылыш билдирүү таратты.

Маалыматка ылайык:

• Чүй жана Талас өрөөндөрүндө күндүз +10…+15°С, кечинде +2…+7°Сге чейин төмөндөйт.
• Ош, Жалал-Абад, Баткен облустарынын өрөөндөрүндө түнкүсүн 9…14°С, күндүз 16…21°С жылуу болот.
• Ысык-Көл жана Нарын облустарынын айрым жерлеринде түнкүсүн +1…+6°С, күндүз 10…15°С жылуу күтүлөт.
• Тоолуу райондордо түнкүсүн –4…+1°С, бийик тоолордо –5…–10°С суук болот.

Мезгил-мезгили менен жаан жаап, дыйканчылык аймактарда карга айланышы, тоолуу райондордо кар жаашы күтүлүүдө. Айрым жерлерде жаан-чачын катуу түшүп, шамалдын ылдамдыгы секундасына 15–20 метрге чейин жетиши мүмкүн.

2-октябрда Чүй, Талас, Ысык-Көл жана Нарын облустарынын дыйканчылык аймактарында үшүк жүрүшү ыктымал.