«Айдан фарма» ЖАК фармацевтикалык заводу мамлекетке кайтарылды. Бул тууралуу Саламаттык сактоо министрлиги билдирди.

Бүгүн, 2-декабрда министр Алымкадыр Бейшеналиев ишканага барып, анын иши менен таанышкан. Анын айтымында, учурда завод 95%дык медициналык этил спиртин чыгарат. Жакынкы мезгилде ал жакта 50 аталышта дары чыгаруу пландалууда.

“Дары-дармектердин 90%дан ашыгы Кыргызстанга импорттолот. Өзүбүздүн дары-дармек, медициналык буюмдардын өндүрүшүн өнүктүрүү керек”, – дейт Бейшеналиев.

Мамлекетке өткөн ишканага Өмүрбек Асанов директор болуп дайындалган.

[image_carousel source=”media: 216292,216291″ limit=”20″ slides_style=”photo” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”no”]