Колумбиялык ырчы Шакира 2026-жылдын 18-октябрында Las Mujeres Ya No Lloran World Tour дүйнөлүк гастролдук туру алкагында Бишкекте концерт берет. Концерт Bishkek Arena спорттук-оюн-зоок комплексинде өтөт. Бул тууралуу президенттин иш башкаруучусу Каныбек Туманбаев Instagram баракчасына жазды.

Жарыяланган маалыматка ылайык, билеттерди сатуу 1-октябрда саат 09:00дө башталат. Билеттерди GovTicket сайты аркылуу сатып алууга болот.

Буга чейин, сентябрь айынын башында Туманбаев Шакиранын Бишкекте концерт бериши мүмкүн экенин билдирип, тараптар уюштуруу маселелерин макулдашып жатканын жазган.

Шакира өзүнүн аталышы менен аталган Las Mujeres Ya No Lloran альбомунун урматына коюлган дүйнөлүк гастролдук турду өткөрүп жатат. 2026-жылдагы турдун расписаниесинде Мадриддеги концерттер жана Египеттеги Гиза пирамидаларынын жанындагы концерт да бар.