Айдана Жупуева Борбордук шайлоо комиссиясынын төрагасынын орун басары болду. Бул тууралуу БШКдан билдиришти.

Маалым болгондой, бүгүн, 11-февралда БШКнын жыйыны өтүп, анда Жупуева орун басарлыкка шайланган.

Айдана Жупуева 2021-жылдан бери БШКнын мүчөсү болуп келген.

Эскерте кетсек, БШКны 2016-жылдан бери жетектеп келе жаткан Нуржан Шайлдабекова 10-февралда кызматтан кеткен. Төрага болуп мурда орун басар кызматын аркалап келе жаткан Тынчтык Шайназаров шайланган. Ага байланыштуу ал ээлеген орун басарлык орун бош калган.

https://reporter.kg/murdagy-deputat-prokuror-bshknyn-zhany-toragasy-kajsy-kyzmattarda-ishtegen/