Кыргызстанга курулуш материалдарынын айрым түрлөрүн киргизүүгө убактылуу тыюу салынууда. Токтомго өкмөт башчы Адылбек Касымалиев 31-мартта кол койгон. Бул тууралуу «Эркин-Тоо» гезитине жарыяланды.
Токтомго ылайык, төмөнкү курулуш материалдарын импорттоого 6 айга тыюу салынат:
- ЕАЭБ ТЭИ ТН 2523 товардык позициясындагы боёлбогон же боёлгон, даяр же клинкер формасындагы портландцементти, алюминий кычкылдуу цементти, күл цементти жана ушул сыяктуу гидравликалык цементтерди (суперсульфаттуу цементти кошпогондо);
- ЕАЭБ ТЭИ ТН 6809 11 000 0 коду менен классификациялануучу гипстен орнаментсиз, кагаз же картон менен гана капталган же бекемделген плиталарды, такталарды, панелдерди, плиткаларды жана ушул сыяктуу буюмдарды.
Токтом расмий жарыяланган күндөн тарта 15 күндөн кийин күчүнө кирет.
