Эми бала төрөлгөндө берилүүчү 4 миң сом өлчөмүндөгү бир жолку «Балага сүйүнчү» жөлөк пулуна арызды «Түндүк» мобилдик тиркемеси аркылуу онлайн берүүгө болот. Бул тууралуу «Кызмат» мамлекеттик мекемеси билдирди.

Арыз тапшыруу тартиби:

1. «Түндүк» колдонмосунан «Кызматтар» бөлүмүнө кирип, «Социалдык төлөмдөр» тизмесинен «Балага сүйүнчү» кызматын тандоо;
2. Шарттар менен таанышып, «Арыз берүү» баскычын басуу;
3. Жөлөк пул чегериле турган банкты тандап, «Арызды тариздөө» баскычын басуу (банктык эсеп алдын ала ачылышы керек);
4. Электрондук почтага жөнөтүлгөн ОЭП кодун киргизип, «Ырастоо» баскычын басуу.

Арыздын кабыл алынганы тууралуу маалыматты колдонмонун «Алынган кызматтардын тарыхы» бөлүмүнөн текшерүүгө болот.

Жөлөк пулдун өлчөмү ар бир балага 4 миң сомду түзөт. Арыз бала төрөлгөн күндөн тартып 6 айлык мөөнөттүн ичинде берилиши керек.