Балбан кыз Айсулуу Тыныбекова Париждеги Олимпиада оюндарынын жарым финалына чыкты.

Тыныбекова 62 кг салмакта күрөшүүдө. Ал бүгүн, 9-августта килемге чыгып, таймашты 1/8 финалдан баштады.

Биринчи беттешинде ал нигериялык Эстер Колаволени 5:1 эсебинде утту.

Андан кийин чейрек финалда америкалык Кайла Миракл менен күч сынашты. Беттеш 6:6 эсебинде жыйынтыкталып, артыкчылык упай Тыныбековада болгондуктан, ал жеңишке жетти.

Эми ал жарым финалда украиналык Ирина Коляденко менен күрөшөт.

Беттештер саат 22:15те башталат.