Бишкектин 10-кичирайондо жайгашкан Ала-Арча дарыясынын үстүнө курулган “111” бары бузулууда. Бул тууралуу шаар мэриясы билдирди.

Мындан тышкары буга чейин Аламүдүн дарыясынын жээгинде жайгашкан тиешелүү уруксаат документтери жок 44 объект буздурулган.

Мэриянын маалыматында, Жер кодексинин 4-беренесине ылайык, ошондой эле “Мүлккө муниципалдык менчик жөнүндө” мыйзамдын 3-беренесинин 2-бөлүгүнө ылайык көпүрөгө тургузулган объект муниципалдык менчик болуп саналат. Ошондой эле мекеме кырсык болгондо мындай объектилер чоң коркунуч жаратарын билдирди.