Башкы прокуратура үч аскер кызматкери каракчылык кылмышына шектелип жаткандыгын кабарлады.

Маалыматта айтылгандай, ушул жылдын башында кылмыштуу топтун 10дон ашуун мүчөсү борбор калаадагы үйлөрдүн бирине кирип, үй ээлерине күч колдонуп,  коркутуу жолу менен ири суммадагы акча каражаттарын тартып алышкан.

Иликтөөнүн жүрүшүндө, милициянын каттоосунда турган уюшкан кылмыштуу топтун Т.К.И. аттуу мүчөсүнүн катыштыгы бар экендиги аныкталган.

Ошондой эле шектүү катары сегиз адам кармалып, алардын үчөө аскер кызматкерлери болгондугу такталган.

Учурда аталган каракчылык кылмышы Бишкек гарнизонунун аскер прокуратурасы тарабынан тергелүүдө.