Бишкек шаарында Токтогул көчөсүнүн Абдрахманов көчөсүнөн И. Айдарбеков көчөсүнө чейинки бөлүгүндө велосипед жолу уюштурулууда. Бул тууралуу борбор калаанын мэриясы билдирди.

Учурда аталган тилкеде жол белгилери чийилип, велосипед жолун унаа жүрүүчү бөлүктөн ажыратуучу бөлгүчтөр орнотулуп жатат.

Мэрия бул чаралар жол кыймылынын катышуучуларынын коопсуздугун жогорулатууга жана калаада велосипед инфраструктурасын өнүктүрүүгө багытталганын билдирди.

Ошондой эле бүгүнкү күндө Бишкек шаарындагы велосипед жолдорунун жалпы узундугу 77 чакырымды түзөрү айтылды.