«Ала-Арча» мамлекеттик жаратылыш паркынын Кайың токоюнда от жаккан эки жаран аныкталып, айып пул салынды. От жагылганын аймакта жүргүзүлгөн рейд учурунда Экологиялык жана техникалык көзөмөл кызматынын кызматкерлери байкап калышкан.

Токой аймагында от жагуу эрежелерин бузган жарандарга карата Укук бузуулар жөнүндө кодексине ылайык эки протокол түзүлгөн. Ар бир жаранга 7 500 сомдон, жалпы 15 000 сом өлчөмүндө айып пул салынган.

Мындан тышкары, эс алуучуларга токой аймагында өрт коопсуздугунун талаптарын сактоо жана белгиленбеген жерлерде от жакпоо боюнча түшүндүрүү иштери жүргүзүлгөн.