Аламүдүн районунун Кашка-Суу аймагындагы жайыт жерлерге унаа жана эндуро мотоциклдери менен кирип, тебелеген жарандарга айып пул салынды. Бул тууралуу Жаратылыш министрлиги билдирди.

Эреже бузуу Экологиялык жана техникалык көзөмөл кызматы тарабынан Ак-Таш жайлоосунда жүргүзүлгөн рейд учурунда аныкталган. Жайыт тебелегендерге Укук бузуулар жөнүндө кодексине ылайык 7 протокол түзүлүп, жалпы 38 миң 500 сом айып пул салынган.

Ошондой эле алардын унаалары жайыт аймагынан чыгарылып, айдоочуларга түшүндүрүү иштери жүргүзүлгөн.