Бишкек шаарынын түштүк бөлүгүндөгү бир нече көчөдө 23-июндан 26-июнга чейин жаратылыш газын берүү убактылуу токтотулат. «Бишкекгаз» кызматынын маалыматында, өчүрүү газ өткөргүчтөрүндөгү оңдоо иштерине байланыштуу болот.

Газ өчүрүлө турган аймак төмөнкү көчөлөр менен чектелет:
Жукеев-Пудовкин, Токомбаев, Сухэ-Батор, Юнусалиев жана Безымянная көчөлөрү.

Мекеменин маалыматы боюнча, оңдоо иштери жаратылыш газын коопсуз берүүнү камсыздоо максатында жүргүзүлүүдө. «Бишкекгаз» келтирилген ыңгайсыздыктар үчүн кечирим сурап, жарандарга энергиянын альтернативдүү булактарын колдонууну сунуштады.