12-майда Ош облусу боюнча Ветеринардык жана фитосанитардык көзөмөл кызматынын инспекторлору «Алай Тейит» балык чарбасында мониторинг жүргүзүштү. Согунду айылында жайгашкан ишкана алдыңкы чет элдик ыкмаларды колдонуу менен форель багууга адистешкен.

Текшерүүнүн жүрүшүндө балыкты көбөйтүү үчүн икра Даниядан, Испаниядан жана Түркиядан алынып келинери, ал эми тоют Европа менен Ирандан сатылып алынары аныкталды. Учурда чарбада салмагы 1 килограммдан 3 килограммга чейин жеткен 20 миң тоннага жакын балык багылууда. Бардык продукция Алай жана ага чектеш райондордун ички рыногунда сатылууда; экспортко чыгаруу иштери азырынча баштала элек.

Учурда ветеринардык кызмат чарбаны расмий ички реестрге киргизүү үчүн документтерге аудит жүргүзүүдө. Адистер өндүрүштүн санитардык ченемдерге шайкештигин тастыктоо максатында жерге болгон мамлекеттик актылардын жана уруксат берүүчү күбөлүктөрдүн бар-жогун текшерип жатышат.