Кыргызстан менен Казакстанды байланыштырган жаңы Алматы — Ысык-Көл автоунаа жолу курулат. Бул тууралуу президент Садыр Жапаров кесиптеши Касым-Жомарт Токаев менен сүйлөшүүлөрдөн кийин билдирди.

Өлкө башчысы эки тарап чек арада индустриалдык соода-логистикалык комплексти куруу долбооруна да өзгөчө көңүл бурганын айтты.

«Сүйлөшүүдө көптөгөн негизги маселелер боюнча көз караштарыбыз туура келип, бири-бирибиздин демилгелерибизди колдоп, аймактагы туруктуулукту жана коопсуздукту чыңдоого багытталган биргелешкен аракеттерибизди улантууга даярдыгыбызды билдирдик», — деди Жапаров.