Кыргызстанда 1–5 жаштагы балдарга арналган «Алтай жана анын достору» аттуу жаңы 2D анимациялык сериал тартылды. Кыргыз тилиндеги мультсериал Т. Океев атындагы «Кыргызфильм» улуттук киностудиясында даярдалды.

Сериалдын башкы каарманы — Алтай аттуу күчүк. Ал достору: ак илбирс Асман, коён Мейкин жана чычкан Ширин менен биргеликте кызыктуу окуяларга катышып, айлана-чөйрөнү таанып-билишет. Долбоор балдарды достукка жана жаратылышты коргоого тарбиялоону максат кылат.

Мультсериал жалпы 40 сериядан турат, ар бир эпизоддун узактыгы 5 мүнөт. Долбоорду «Байрак» продакшн студиясы ишке ашырып, режиссёру Максат Болотбек болду.

Анимациялык сериалдын бет ачары бүгүн, 24-августта, УТРКнын «Баластан» телеканалында көрсөтүлөт.

Посмотреть эту публикацию в Instagram

Публикация от Reporter.kg (@reporter_kg)