Аба ырайынын кескин өзгөрүшүнө байланыштуу өлкөнүн тоолуу аймактарында кар жаап, жол тазалоо иштери тынымсыз жүргүзүлүүдө. Бул тууралуу Транспорт жана коммуникациялар министрлигинин маалымат кызматы билдирди.

Маалыматка ылайык, бүгүн, 4-ноябрда саат 09:00гө карата Бишкек–Ош унаа жолундагы Төө-Ашуу (саат 07:00дөн тарта) жана Ала-Бел (саат 05:10дон тарта) ашууларында, ошондой эле Суусамыр–Талас–Тараз жолунун Өтмөк ашуусунда (саат 07:00дөн тарта) оор жүк ташуучу унаалардын жүрүшүнө убактылуу чектөө киргизилген.