Жогорку соттун басма сөз кызматы Ысык-Көл облусунда 17 жаштагы кызды зордуктап, өлтүрүүгө шектелип кармалган адамдын мурдагы соттолгону боюнча маалымат таратты.

Маалыматка ылайык, ал буга чейин бир нече жолу кылмыш жоопкерчилигине тартылган:

• 2006-жылы Бишкектин Октябрь райондук соту аны “Тоноо” беренеси боюнча күнөөлүү деп таап, 5 миң сом айып пул төлөттүргөн.
• 2016-жылдын 11-февралында ошол эле сот аны “Адам өлтүрүүгө аракет кылуу” боюнча 12 жылга кескен.
• Бирок 2016-жылдын 12-майында Бишкек шаардык соту өкүмдү өзгөртүп, ал “Тоноо” боюнча 6 жылга, “Адам уурдоо” боюнча 3 жылга кесилген.

Жазык кодексине ылайык, кылмыштардын жыйындысы боюнча ага акыркы жаза катары мүлкүн конфискациялоо менен 7 жыл эркинен ажыратуу дайындалып, ал жазасын толук өтөгөн.