3-ноябрда Бишкек шаарынын «Ак-Босого» конушунда саат 09:00дөн 17:00гө чейин ичүүчү сууну берүү токтотулат. Бул тууралуу борбор калаанын мэриясы билдирди.

Чектөө аталган конуштагы турак жай имараттарына, мектептерге, бала бакчаларга, саламаттыкты сактоо мекемелерине жана башка объектилерге тиешелүү.

Суу берүү «Ак-Босого-1» жана «Ак-Босого-2» суу топтомолорунда, ошондой эле шаардык суу түтүк тармактарында оңдоп-түзөө иштерин жүргүзүүгө байланыштуу өчүрүлөт.

«Бишкексууканал» муниципалдык ишканасы тургундарды жана мекемелерди ичүүчү сууну алдын ала камдап алууга чакырды.