Кыргызстандын президенти Садыр Жапаров Испаниянын Толедо провинциясында поезддердин кагылышуусунан адамдар каза болгонуна байланыштуу Испаниянын королу Фелипе VIга көңүл айтуу телеграммасын жөнөттү. Бул тууралуу мамлекет башчысынын басма сөз кызматы билдирди.

Жапаров телеграммасында Кыргызстандын элинин атынан жана жеке өзүнүн атынан королго жана Испаниянын элине көңүл айтты.

«Испания Королдугунун Толедо провинциясында поезддердин кагылышуусунан адамдар каза болуп, көптөгөн адамдар жабыркаганы тууралуу кабарды терең кайгыруу менен кабыл алдым. Кыргыз Республикасынын элинин атынан жана жеке өзүмдүн атымдан Сизге жана Испаниянын элине бул трагедияга байланыштуу көңүл айтам. Каза болгондордун жакындарынын кайгысын тең бөлүшөм жана бардык жабыркагандардын тезирээк сакайып кетишин каалайм», — деп айтылат телеграммада.

Ошондой эле Садыр Жапаров кырсыктан жабыркагандардын баарына тезирээк сакайып кетүүнү каалады.