Эркин күрөш боюнча кыргызстандык балбандар Орозобек Токтомамбетов жана Айаал Лазарев Ханчжоу шаарында (Кытай) өтүп жаткан Азия оюндарында коло байге үчүн күрөшөт.
Орозобек Токтомамбетов 74 кг салмакта биринчи беттешинде ирандык балбан менен кез келип, 2:7 эсебинде жеңилген. Кийин атаандашы финалга өтүп, көңүл жубатуучу беттешке чыкты. Анда Токтомамбетов кытайлык балбанды жеңип, коло медаль үчүн күрөшүүгө мүмкүнчүлүк алды.
Айаал Лазарев 125 кг салмакта таймашка чыгып, 1/8 финалда индиялык балбанды 10:0 эсебинде жеңген. Ал эми чейрек финалда монгол балбанына жеңилген. Эми ал да 3-орун үчүн беттеш өткөрөт.
Финалдык беттештер бүгүн саат 15:00до башталат.
Биздин Телеграм каналга катталыңыз
