Баатырова Гүлнара Маришовна саламаттыкты сактоо министри болуп дайындалды. Бул тууралуу президенттин басма сөз кызматы билдирди.

Тиешелүү жарлыкка президент Садыр Жапаров кол койду.

“Жарлыкка ылайык, Кыргызстандын Конституциясынын 70-беренесинин 1-бөлүгүнүн 2-пунктуна ылайык Баатырова Гүлнара Маришовна мурда жүктөлгөн милдеттерин аткаруудан бошотулуп,  саламаттык сактоо министри болуп дайындалды”, – деп айтылат маалыматта.

Жогорку Кеңештин депутаттары 7-сентябрдагы жыйынында Гүлнара Баатырованын саламаттык сактоо министр кызматына дайындалышын колдогон.