Жеңишбек Асылбек мурда ээлеген кызмат ордунан бошотулуп, Чүй облусунун Кара-Балта шаарынын мэри болуп дайындалды. Тиешелүү жарлыкка президент Садыр Жапаров койду. Бул тууралуу президенттик администрация билдирди.

38 жаштагы Жеңишбек Асылбек буга чейин Баткен облусунун Лейлек районунун акими кызматында иштеп жаткан.

Ачык булактардагы маалыматтарга ылайык, жаңы мэр Орусиянын Федералдык коопсуздук кызматынын академиясынан билим алган. Ал УКМКда, Энергетика министрлигинде, ошондой эле Жаратылыш ресурстары, экология жана техникалык көзөмөл министрлигинде иштеген.