Баткен облусунун прокуратурасы ата-энесинен ажыраган 13 балага кезексиз жер тилкелерин бөлүп берүүгө жетишти. Аларга жер тилкелерине болгон укугун тастыктаган документтер да тапшырылды.

Прокуратура ата-энесинен ажыраган балдардын мүлктүк укуктарын коргоо максатында прокурордук чараларды көргөн. Натыйжада аларга жер тилкелери кезексиз берилди.

2026-жылдын башынан бери облустук прокуратуранын демилгеси менен жеке турак үйлөрдү куруу үчүн кезексиз жер тилкелерин жалпысынан 18 бала алган.