Блогер Гүлдесте Калматова Баткен районунун Айдаркен айылындагы милиция бөлүмүнө “ВАЗ2107” үлгүсүндөгү унаа белек кылганын облустук ички иштер башкармалыгы билдирди.

Маалыматка ылайык, Калматова Айдаркен айылынын тургуну, “DESTE Official” каналынын ээси.

Блогер унааны кызматкерлерге тапшырып жатып, милиция кызматкерлеринин айылдагы коомдук тартипти камсыздоо жана кылмыштуулук менен күрөшүүдөгү эффективдүү жана жоопкерчиликтүү иштерин белгиледи.

Өз кезегинде Кадамжай РИИБдин жетекчилиги блогерге ыраазычылык катын тапшырды.