Мамлекеттик чек араны мыйзамсыз кесип өткөн коңшу өлкөнүн үч жараны кармалганын УКМКнын басма сөз кызматы билдирди.

УКМКдан билдиришкендей, мамлекеттик чек араны мыйзамсыз кесип өтүү фактыларын аныктоо жана бөгөт коюу боюнча ыкчам-иликтөө иш-чараларынын жүрүшүндө мамлекеттик чек араны мыйзамсыз кесип өткөн деген шек менен коңшу республиканын үч жараны кармалды.

Тактап айтканда, 21-июнда С.Н., С.М. жана А.А. Баткен районунун чек ара тилкесинде 50 түк пресстелген саман жүктөлгөн Hyundai Porter үлгүсүндөгү унаа менен колго түшкөн

Тергөө бөлүмү тарабынан мыйзамсыз өтүү фактысы боюнча кылмыш иши козголуп, эки жаран убактылуу кармоочу жайга киргизилип, тиешелүү текшерүү иштери жүрүп жатат.