Баткен облусунда мыйзамсыз лотерея уюштурган жаран аныкталды. Бул тууралуу УКИКнын басма сөз кызматы билдирди.
Маалым болгондой, лотерея уюштурууга Самаркандек айылынын 30 жаштагы тургуну К.у. К. жана башка адамдар катышкан.
«Уюштуруучулар 8 миллион сомдон ашык лотерея билеттерин сатып, төлөмдү онлайн арыздар аркылуу алышкан. Лотереянын жүрүшү YouTube аркылуу көрсөтүлгөн. Аталган факты боюнча Кылмыш-жаза кодексинин «Мыйзамсыз ишкердик кылуу» беренеси боюнча кылмыш иши козголду», — деп айтылат маалыматта.
Уюштуруучулардын үйлөрүн тинтүү учурунда лотереялык барабандар, ойнотула турган унаалардын документтери, лотерея билеттери жана башка ишке тиешелүү документтер алынган.
Биздин Телеграм каналга катталыңыз
