5-май күнү болжол менен саат 14:40 чамасында Бишкек шаардык милициянын «102» кызматына 2000-жылы туулган А.А. аттуу жаран жардам сурап жатат деген маалымат келип түшкөн. Бул туурасында Милициянын кайгуул кызматынан билдиришти.
Маалыматка караганда, айтылган дарекке кайгуул кызматкерлери келип, маалыматты тактаганда, 4-май күнү болжол менен саат 18:00 чамасында 2000-жылы туулган А.А. аттуу жаранды чала тааныш 8-9 киши Байтик-Баатыр көчөсүнөн БМВ Е60 үлгүсүндөгү авто унаага эркине каршы салып кетишип, эртеси күнү 5-май күнү саат 14:00 гө чейин үйдө кармап, коркутуу жолу менен чоң суммадагы акча талап кылышкан.
Ыкчам кармоо иш-чараларын жүргүзүп, кылмыш изи сууй электе кылмышка шектүү катары 1994-жылы туулган П. А. жана 1993-жылы туулган Ж. А. аттуу жарандарды кармашып, Биринчи май районундук милициянын тергөө кызматына өткөрүп беришкен.
Бул факты Кылмыштардын бирдиктүү реестринде катталып, сотко чейинки өндүрүшкө алынды.
