2019-2023-жылдарга Кыргызстанда азык-түлүк коопсуздугу жана тамактануу программасы бекитилди. Тийиштүү чечимге премьер-министр Мухаммедкалый Абылгазиев кол койду.
Аталган программа өлкөнүн азык-түлүк коопсуздугун камсыздоо жана республиканын азык-түлүк рыногунун ички жана тышкы коркунучтарына ыкчам аракеттерди көрүү максатында кабыл алынды.
Ушул программада саламаттык сактоо, билим берүү, экономикалык жана социалдык тармактарын өнүктүрүү, интеграцияланууга тийиш болгон талаптар жана чектөөлөр аныкталган.
