Бишкек административдик соту 4-октябрда боло турган парламенттик шайлоого «Кыргызстан» партиясын киргизүү жөнүндө чечим чыгарды.
Бирок, Борбордук шайлоо комиссиясы сот өкүмү боюнча Жогорку Сотко даттанууну көздөп жатат.
Эскерте кетсек, бүгүн Свердлов райондук сотунун имаратында «Кыргызстан» партиясын парламенттик шайлоого кабыл алуу иши боюнча сот отуруму болуп өттү. Буга чейин БШКнын жумушчу тобу документтерди партияга кайтарып берүү чечимин кабыл алган, анткени өкүлдөр документтерди өз убагында тапшырууга үлгүргөн эмес. Бирок, «Кыргызстан» партиясынын лидери Канат Исаев болуп өткөн окуяны техникалык ката экенин жана бул партияны жарыштан четтетүүгө негиз болбой тургандыгын айткан.
