Президент Садыр Жапаров «Кылым Банктагы» акционердин функцияларын Кыргызстандын Каржы министрлигинен Президенттин Иш башкармалыгына өткөрүү тууралуу жарлыкка кол койду. Максат — банктын ишинин натыйжалуулугун жогорулатуу.

Министрлер кабинетине өз чечимдерин бул жарлыкка ылайык келтирүү тапшырылды. Ал эми Президенттин Иш башкармалыгы Каржы министрлиги менен биргеликте акцияларды өткөрүп берүүнү тариздеп, банкты зарыл болгон мамлекеттик мүлк менен камсыз кылышы керек.

Жарлыкка 2026-жылдын 19-августунда кол коюлган жана ал расмий жарыялангандан 10 күн өткөндөн кийин күчүнө кирет.