2026-жылы Кыргызстандан чет өлкөлөргө 9 миң 357,3 тонна кант экспорттолду. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.

Маалыматка ылайык, быйыл республика боюнча 11 миң 800 гектар жерге кант кызылчасы себилген.

Министрлик учурда кант кызылчасынын түшүмдүүлүгүн жогорулатуу үчүн заманбап агротехнологияларды жайылтуу жана дыйкандар менен кайра иштетүүчү ишканалардын байланышын чыңдоо боюнча иштер жүрүп жатканын билдирди. Бул чаралар ата мекендик продукциянын экспорттук дараметин кеңейтүү максатын көздөй турганы айтылды.