Аламүдүн районунда эки жөө жүргүнчүнү сүзүп кеткен факты боюнча шектүү кармалды.

Аталган облустун ИИБнын басма сөз кызматынын маалыматына караганда, 2022-жылдын 28-мартында Чүй облусунун ИИБнын жол кайгуул кызматы жана ОИИБдин ИИБ кызматкерлери тарабынан жүргүзүлгөн ыкчам-издөө иш-чараларынын жүрүшүндө Чүйдүн Төмөнкү Ала-Арча айылындагы көчөлөрдүн биринен 2009-жылы туулган Ж.А.ны жана 2010-жылы туулган Б.Б.ны сүзүп кеткен шектүүнүн өздүгү такталды. Ал 2001-жылы туулган П.И., болуп чыкты. Шектүү кармалып, ички иштер органдарына жеткирилди.

Унаа айып короого токтотулат. Учурда тергөө иштери жүрүп жатат.