Мындан ары Бишкектин коомдук транспортунда жол кирени «Элкарт» контактсыз банк карталары менен төлөөгө болот. Жаңы функция пилоттук режимде муниципалдык транспорттун бардык түрлөрүнө жеткиликтүү, деп билдирди борбор калаа мэриясындагылар.
Автобус жана троллейбус терминалдары Кыргызстандын бардык банктарынын «Элкарт» карталарын төлөм үчүн кабыл алышат. Ошол эле учурда каалаган банктын Visa карталары менен саякат үчүн төлөө дагы деле жеткиликтүү.
«Жол акысын төлөө үчүн «Тулпар» валидаторуна контактсыз төлөмдөрдү кабыл алуу белгиси бар банк картасын тиркөө керек жана төлөм өткөнгө чейин бир-эки секунд күтүш керек», — деп айтылат маалыматта.
Маалым болгондой, долбоорду Бишкек шаарынын мэриясы «Кыргызкоммерцбанк» жана «Элкарт» улуттук төлөм системасы менен биргеликте ишке ашырган.
