Мурдагыдай 5 сомго эмес, орточо тариф өзгөрүшү мүмкүн. Мындай сунушту Бишкек мэриясы сунуштап жатканын калаанын вице-мэри Русланбек Акылбеков бүгүнкү жыйында билдирди.

Анын айтуусунда, башында маршруттук таксилерге жол кире 10 сомдон 15 сомго, троллейбус, автобустардыкын 8 сомдон 11 сомго көтөрү сунушталган болсо, андан төмөнүрөөк кылууга аракет кылып жатат.  Бул боюнча экономика министрлигине макулдашууга жөнөтүлгөн.

Ошондой эле сунушталып жаткан тариф боюнча юристтерден чечимдерди күтүп жатканын белгиледи. Соңку чечимди Бишкек шаардык кеңешинин депутаттары кабыл алат.