Кыргызстан боюнча көмүрдүн сапатын текшерген лаборатория Бишкек жылуулук борборунда гана бар.  Анда 6 киши иштейт. Алардын атайын сертификаттарга ээ. Аталган лаборатория 2021-жылы 30 миң тонна көмүр жараксыз деп чыгарып, кабыл албай койгон. Бул туурасында  Энергетика министринин орун басары Таалайбек Ибраев Жогорку Кеңештин комитет жыйында билдирди.

Анын айтуусунда, жеке ишкерлер көмүрдү Бишкек жылуулук борборуна алып кирет. Лаборатория анализ алат, эгерде атайын талаптарга жооп бербесе алышпайт. Кайра аны вагон менен алып кетүү жеке ишкерлер үчүн абдан кымбатка турат. Ошону менен ал көмүрдү таштап кете берет.

Ал эми быйыл 4 миң тонна көмүр жараксыз болгонун кошумчалады.