Бүгүн, 30-сентябрда, Министрлер кабинетинин төрагасынын биринчи орун басары Данияр Амангелдиев Бишкек шаарында жашаган 100 жаштагы жарандардан кабар алды. Иш-чара 1-октябрь — Улгайган адамдардын эл аралык күнүнө карата уюштурулган.

Данияр Амангелдиев Кичикан Чолиева, Бурул Дүйшалиева жана Ефросинья Соколова менен жолукту. Аларга Минкаб төрагасынын атынан белектер тапшырылып, материалдык жардам көрсөтүлгөн.

Социалдык фонддун маалыматына ылайык, учурда республика боюнча 100 жаштан ашкан 178 жаран жашайт. Алардын ичинен 21 адам Бишкек шаарында катталган.

Улгайган адамдардын эл аралык күнү жыл сайын 1-октябрда белгиленип, улуу муун өкүлдөрүнүн укуктарын жана кызыкчылыктарын колдоо максатын көздөйт.