Кыргызстандын Башкы прокуратурасы компаниянын 950 миң сомдон ашык салык карызын эсептен чыгарууга жетишти. Бул тууралуу ведомствонун басма сөз кызматы билдирди.

Прокуратуранын маалыматына караганда, «П» ЖЧКсынын салык карызы мыйзам боюнча эсептен чыгарылууга тийиш болгон. Компания салык органдарына бир нече жолу кайрылган, бирок тиешелүү чаралар өз убагында көрүлгөн эмес.

Мындан тышкары, ишкананын ашыкча төлөгөн каражаты автоматтык түрдө эсептен чыгарылууга тийиш болгон карызды жабууга багытталган.

Прокуратуранын кийлигишүүсүнөн кийин «П» ЖЧКсынын салык карызы эсептен чыгарылды. Мамлекеттик салык кызматы да ашыкча төлөнгөн салыктарды эсептен чыгарылууга тийиш болгон карызды жабууга автоматтык түрдө багыттоого жол бербөө боюнча чараларды көрдү.

Башкы прокуратура ишкерлердин укуктарын коргоо жана мамлекеттик органдардын мыйзам талаптарын сактоосун камсыз кылуу боюнча ишти улантып жатканын билдирди.