Бишкекте 50, 55, 60 жана 70 жыл бирге өмүр сүргөн жубайлар Эл аралык карылар күнүнө карата мааракелерин белгилешти. Бул тууралуу Бишкек шаардык мэриясынан билдиришти.

Маараке Бакыт өргөөсүндө өтүп, ага Бишкектеги Ленин, Биринчи май жана Свердлов райондорунда жашаган жубайлар катышкан. Аларга жаш чыгармачыл жеткинчектер концерт коюп, шаңдуу маанай тартуулаган. “Жаш жубайлар” музыканын коштоосунда үйлөнүү-үлпөт вальсын бийлеген.

Жарым кылым жана андан ашык мезгилден бери ырыс-кешигин бөлүшүп, турмуштун ысык-суугун бирге тартып келе жаткан жубайларга акимчиликтер тарабынан куттуктоолор айтылып, белектер берилген.