Бишкекте ден соолукка оор залал келтирүү фактысы боюнча кылмыш иши козголду. Ленин райондук ички иштер башкармалыгынын маалыматына караганда, 19-сентябрда М.Ы. денесинен оор жаракат алып, шаардык ооруканага жаткырылган.

Окуя боюнча КР Кылмыш-жаза кодексинин 130-беренеси («Ден соолукка оор залал келтирүү») менен иш козголду. Иликтөөнүн жүрүшүндө жабырлануучунун күйөөсү, 1971-жылы туулган Н.Н., милиция кызматкерлери тарабынан кармалып, убактылуу кармоочу жайга киргизилди.

Учурда тергөө иштери уланууда, керектүү экспертизалар дайындалган.