Бишкек шаарында чет элдик жарандын батирине кирип, каракчылык кылууга шектелгендер кармалды. Бул тууралуу Свердлов районунун басма сөз кызматы билдирди.

Маалыматка караганда, окуя 23-январга караган түнү болгон. Шектүүлөр арыз ээсинин Абдырахманов көчөсүндөгү батирине киришкен. Шектүүлөр ага карата физикалык күч колдонуп, анын 35 миң сомун, уюлдук телефондорун алып, андан сырткары 14 миң сом акча которушкан.

Аталган факт Кылмыш-жаза кодексинин 207-беренеси («Каракчылык») менен катталган.

Милиция кызматкерлери тарабынан 2002-жылы туулган Б.Д., 2001-жылы туулган А.Н., 1997-жылы туулган М.К. кармалып, алар убактылуу кармоочу жайга киргизилди. Тергөө иштери жүрүп жатат.

Биздин Телеграм каналга катталыңыз