30-сентябрда Бишкекте Токтогул Сатылганов атындагы Кыргыз улуттук филармонияда «Алтын комуз» эл аралык айтышы өттү. Бул тууралуу Маданият министрлиги билдирди.

Маалыматка ылайык, айтышка Өзбекстан, Казакстан, Кыргызстан, Кытай жана Каракалпакстандан келген акындар катышкан.

Баш байгени Акматбек Султан уулу жеңип алган. 1-орунду Асылбек Маратов, 2-орунду Эркебулан Кулканатов, ал эми 3-орунду Турат Жумаев алган.

Белгилей кетсек, Кыргызстандын маданиятына салым кошуу, төкмө акындарга жана жаштарга мотивация берүү максатында Ниязбек Айбашев 2014-жылдан бери «Алтын комуз» байгесин негиздеген.