Кыргызстандын президенти Садыр Жапаров Түркиянын башчысы Режеп Тайып Эрдогандын чакыруусу менен 29–30-октябрь күндөрү Анкара шаарына иш сапары менен барат. Бул тууралуу президенттик администрациядан билдиришти.

Сапардын жүрүшүндө мамлекет башчысы Түрк мамлекеттер уюмунун (ТМУ) мамлекет башчыларынын 13-саммитине катышат. Жыйында аймактык жана эл аралык күн тартибиндеги маселелер талкууланат.

Саммиттин соңунда Түрк мамлекеттер уюмунун мамлекет башчыларынын Анкара декларациясына жана өлкөлөр ортосундагы кызматташтыкты чыңдоого багытталган бир катар документтерге кол коюу пландалууда.