28-апрелден тарта Бишкек шаарында эмен дарактарын зыянкеч курттарга каршы химиялык тазалоо, дарылоо иштери башталды. Бул тууралуу Айыл чарба министрлиги билдирди.

Химиялык тазалоо шаардык жашыл аймактарды коргоо жана дарактардын зыянкечтерден жабыркашына жол бербөө максатында жүргүзүлүүдө.

Министрлик дарылоо иштери түнкү убакта жүргүзүлүп, адамдарга, жаныбарларга жана пайдалуу курт-кумурскаларга коркунуч келтирбеген препараттар колдонулуп жатканын билдирди.

“Шаар тургундарынан, өзгөчө химиялык заттарга сезгичтиги жогору болгон адамдардан, дарылоо жүргүзүлүп жаткан аймактарда убактылуу жүрбөөнү жана коопсуздук талаптарын сактоону өтүнөбүз”,- деп айтылат маалыматта.