.svg){kind=logo}
УКМК: Акча алып, Орусияда каттоодон чыкпаган унааларды каттаган кызматкерлер аныкталдыЖКда жумушка орноштуруу менен алектенген компаниялардын ишмердүүлүгүн текшерүү сунушталдыТүп районунда мектептин оңдоп-түзөө иштери каржылоонун жоктугунан токтоп калдыАгартуу министрлиги: Нарында окуучу өз жанын кыйган окуя боюнча мектеп директоруна «катуу сөгүш» берилдиКыргызстан менен Кытай айыл чарба продукциясынын экспортун кеңейтүү боюнча кадамдарды белгилештиАткезчилик, документтерди жасалмалоо — ТИМдин экс-башчысы Чыңгыз Айдарбековдун иши боюнча жаңы фактылар
Бишкекте этти кымбат баада саткан жаранга 13 сом айып салынды
22.08.2025 | 12:48
Бишкектин тургуну этти мамлекеттик баадан жогору сатып жатканы үчүн жоопкерчиликке тартылды. Жеке ишкер У.Г.га 13 миң сом өлчөмүндө административдик айып салынды. Бул тууралуу Монополияга каршы жөнгө салуу кызматы билдирди.
Маалыматка ылайык, ишкер эттин (уйдун жана козунун эти, сөөктүү бөлүктөрү) баасын мамлекет тарабынан жөнгө салынган деңгээлден жогорулатып саткан. Айып «Жоруктар жөнүндө кодекстин» 290-беренесине ылайык салынган.
Эске салсак, Министрлер Кабинетинин төрагасынын орун басары, айыл чарба министри Бакыт Төрөбаев буга чейин эттин дүң жана чекене баасын түшүрүү боюнча тапшырмалар берген. Анын ичинде:
- эттин чекене баасын 700 сомдон төмөн кармоо,
- мамлекеттик ишканалар аркылуу чет өлкөдөн уй этин алып келүү,
- ветеринардык жана чек ара кызматтары тарабынан көзөмөлдү күчөтүү,
- аткезчиликке каршы күрөшүү чаралары кирет.
Өкмөттүн маалыматына ылайык, мамлекеттик көзөмөлдөн кийин эттин базардагы баасы акырындык менен төмөндөй баштаган.
Рубрики: Жаңылыктар
