11-ноябрда Бишкек шаарындагы Г. Айтиев атындагы Кыргыз улуттук көркөм сүрөт искусство музейинде «Дененин тили — түс жана форма аркылуу диалог» аттуу арт-терапия өткөрүлөт. Бул тууралуу Маданият министрлиги билдирди.

Иш-чараны психолог жана арт-терапевт Багида Бообекова алып барат. Арт-терапияда катышуучулар түстөрдүн, сызыктардын жана медитативдик сүрөт тартуу ыкмаларынын жардамы менен сезимдер менен дене абалынын байланышын изилдешет. Ошондой эле жеке «Эмоционалдык палитрасын» түзүп, дене картасы менен иштешет.

Иш-чарага катышуу үчүн сүрөт тартуу боюнча атайын көндүмдөр талап кылынбайт.

Иш-чара саат 11:00дө башталып, 1–1,5 саатка созулат. Орундардын саны чектелгендиктен, алдын ала катталуу керек: 0558 977 900 (WhatsApp).