Борбор калаада курулуп жаткан ири стадион «Азаттык Арена» эмес, «Бишкек Арена» деп аталат. Бул тууралуу президенттин иш башкаруучусу Каныбек Туманбаев өзүнүн соцтармагында билдирди.

Анын айтымында, өлкө башчы Садыр Жапаров калктын пикирин эске алып, жыйын өткөргөн. Анда стадиондун аталышы «Бишкек Арена» деп расмий түрдө өзгөртүлгөн.

Белгилей кетсек, буга чейин жаңы курулуп жаткан 51 миң орундуу стадион «Азаттык Арена» деп аталары айтылган. Стадион ФИФАнын эң жогорку стандарттарына ылайык курулуп, эл аралык деңгээлдеги иш-чараларды өткөрүүгө мүмкүндүк берет.

Ири аренанын салтанаттуу ачылышы 2026-жылдын август айына пландалган.