Бишкекте Шанхай кызматташтык уюмунун (ШКУ) «Аялдардын лидерлиги» темасындагы Аялдар форуму өз ишин баштады. Иш-чара 26–27-июнь күндөрү Кыргыз Республикасынын 2026-жылдагы ШКУдагы төрагалыгынын алкагында өтүүдө.

Форумга ШКУга мүчө-мамлекеттердин мамлекеттик органдарынын, эл аралык уюмдардын, жарандык коомдун өкүлдөрү, эксперттер, аял-ишкерлер жана аялдар кыймылынын лидерлери катышууда.

Жолугушуунун негизги темасы — аялдардын коомдук-саясий жана экономикалык турмуштагы ролун кеңейтүү, ошондой эле аялдардын туруктуу өнүгүү процесстерине катышуусу үчүн жаңы мүмкүнчүлүктөрдү түзүү.

Форумдун алкагында катышуучулар аялдардын лидерлигин, чечим кабыл алуу процесстерине катышуусун, экономикалык өнүгүү, гендердик теңчилик жана чөлкөмдөгү мамлекеттер арасындагы кызматташтык маселелерин талкуулашат.

Программа үч негизги сессияны камтыйт: «Аялдардын лидерлиги: саясий жана коомдук чечимдерди кабыл алуудагы аялдардын ролу», «Экономикалык өнүгүүдөгү аялдардын ролу», ошондой эле аялдардын укуктарын жана мүмкүнчүлүктөрүн кеңейтүү маселелерине арналган панелдик талкуу.