Бишкекте терезенин темир торуна кыпчылып калган адам куткарылды. Бул тууралуу Өзгөчө кырдаалдар министрлигинин басма сөз кызматынан кабарлашты.

Маалыматка ылайык, куткаруу кызматына Улан-2 кичи районунда жайгашкан үйдүн биринчи кабатындагы батирдин терезесиндеги торго адам кыпчылып калганы тууралуу маалымат түшкөн. Жеринде куткаруучулар тарабынан жана дарыгерлердин көзүнчө эркек киши атайын шаймандардын жардамы менен бошотулган. Аталган жаран медициналык жардамга муктаждыгы болгон эмес.

Окуянын чоо-жайын милиция иликтөөдө.